Þá er það fyrsti frídagurinn í orlofinu, en fyrst mun þessi mánuður líða og ég mun fá heil laun fyrir desember, því ég fór með vottorð í vinnuna á föstudaginn.  Ég var í skoðun í dag og talaði um depurð mína og kvíða.  Á það stundum til að fá skapsveiflur, pirring, depurð og kvíða.  Talaði um þetta allt við ljósmóðurina í morgun ásamt svefnleysi sem ég er að glíma við vegna bakverkja.  Það tekur e-ar klst að sofna.  Mér var sagt að ég mætti alveg taka tvær panodíl og gott ráð væri að vera með hitapoka við bakið áður en ég fer að sofa.  Hún sagðist ætla að hugsa vel um mig núna vegna þessarar depurðar.  Venjulega eru tekin þunglyndispróf á seinni tíma meðgöngu, en þá fær maður spurningalista og þau reikna út stigin.  Með mig, í þessari sorg, eru miklar líkur á fæðingarþunglyndi og þau munu fylgjast vel með mér.  Skapsveifliurnar hjá mér lýsa sér í svo miklum pirringi og þreytu að ég verð bara áhugalaus og þögul innan um sumt fólk.  Öðrum tekst að halda því niðri hjá mér og það er skemmtilega fólkið sem hefur húmor

Þið verðið bara að afsaka að þetta er e-ð sem ég ræð ekki við þessa dagana.  Það er búið að vera þannig.  Það hefur farið t.d. misvel og mis illa í mig þegar spurt er:" segirðu ekki bara ALLT GOTT"  Bara það getur stuðað mig, en það er ekki alltaf.  Ég á alveg mjög góða daga inn á milli.  Ég er ekki að leggjast í algjöra sjálfsvorkunn, en bara svo fólk viti, þá er ég ekki að kenna neinum um pirringinn í mér sem kemur upp, þetta er bara svona hjá mér.  Ætla að reyna lífga upp á allt saman í dag með því að skoða í barnabúðina Baby Sam og fara að kaupa einhverjar jólagjafir því það er ÚTBORGUNARDAGUR!!!!!!!

Buðum Agnesi, Gústa og þeirra 14 mánaða stelpukríli (algjörri dúllu!!! Ég smitaðist algjörlega!!!!! ) í mat síðasta laugardagskvöld og nú ætlum við að fara að hittast oftar, þetta gengur ekki svona til lengdar, maður hittir engan...allir of "uppteknir"  family and friends go first, then WORK.    Jæja, fyrst ég er búin að fá launin ætla ég að skrifa jólagjafalistann og fara síðan að þvo barnafötin sem við Halli höfum fengið að gjöf  Ciao ragazzi....talandi um CIAO þá ætla ég að rifja upp ítölsku!!!!  hugsunin mikla hefur ekki verið framkvæmd að fullu nema að ég er búin að skrifa ítalskar setningar á minnismiða og ætla að skrifa meira og senda email til Francescu kennara

Jæja, þá er komin 31.vika í dag og foreldranámskeiðið byrjar í kvöld.  Fer í það beint eftir vinnu og þangað mun Halli mæta eftir vinnu.  Við ákváðum bara að hittast þar-the hottest parents in the world  Ég er aðeins búin að shjæna mig til í tilefni þess og verð í flottu svörtu peysunni sem sys gaf mér og svo mínum bestu leggings.  Málaði mig líka rétt áðan þannig að nú er ég bara tilbúin á "ballið" .  Ég hef heyrt sögur um svona námskeið, þar sem ljósmóðirin leikur hríðir!!!!!!  Með öllum tilheyrandi hljóðum.  Ég er svona rétt að vona að það gerist ekki á þessu námskeiði.  Fólk var farið að halda niðri hlátrinum eða roðna niður í óæðri endann  Ég myndi verða mjög vandræðaleg!!!!!!

Ég var í meðgöngunuddi í morgun, sem Halli pantaði fyrir mig óvænt og það var rosa næs.  Það var hægt að gera holu fyrir bumbuna en það var ekkert mjög þægilegt svo ég lagðist á hliðarnar og sat líka stundum meðan hún nuddaði.  Svæðið þar sem ég hef fengið klemmdu taugina var mjög aumt þannig að nuddið á því svæði gat verið vont á köflum og stundum vont/gott.

Ég fékk hugmynd á síðustu stundu með listhópinn minn í gær.  Það er til kassi sem er troðfullur af pappírsafgöngum í mism. litum þannig að ég lét þau bara rífa hann niður með höndunum, engin skæri í boði, og líma þétt saman á blað en með eitthvað myndefni í huga.  Þetta fannst þeim gaman og þetta var mjög flott hjá mörgum.  Það voru sumir sem lögðu kannski ekki alla sálina í þetta.  Ein vildi bara gefast upp strax og nýbyrjuð.  Hún komst upp með það síðast, en nú slapp hún ekki.  Ég sagði: Maður klárar það sem maður byrjar á og svo er það annaðhvort listhópur eða EKKI listhópur...þú getur ekki bara komið og farið eins og þér sýnist".  Þrátt fyrir þetta flýtti hún sér bara að gera EITTHVAÐ til að fylla út í og fékk að fara eftir það.  Ég vara hana við þessu næst.  Jæja, þá fer vinnutíminn að byrja.  Buon giorno tutti

Já það styttist sko í 100% lífsbreytinguna-það er að koma baby fljótlega skilst mér sett þann 13.janúar 2009, á því nýja herrans ári  Það eru svona 5% líkur að börn fæðist á settum tíma, sagði ljósmóðirin sem tók sónarinn síðast.  Það getur liðið hálfur mánuður til eða frá og það getur líka liðið einn dagur til eða frá.  Fyrsta barnabarn þeirra tengdó er fætt 14.janúar og verður 5 ára næst.  Sjáum til hve margir dagar líða á milli afmælisdaga þeirra frændsystkina  Þetta verður fyrsta barnabarn pabba míns og annað barnabarn tengdóanna.
Ég var heima í dag og með hálsbólgu og ýmis einkenni.  Ég vakna verri en skána svo aðeins með deginum.  Var ekki nógu góð í vinnunni í gær þannig að ég var bara heima til að reyna að ná þessari "drullu" úr mér.  Ég hélt áfram að búa til afmælisgjöf hennar tengdó sem er 12.nóv.  Segi seinna hvað það er, bara til öryggis ef hún skyldi óvart rata inn á þessa síðu....mjööög ólíklegt samt þar sem hún er næstum aldrei í tölvum.  Þessi gjöf er búin að taka months and months, hours and hours!  Er stolt af árangrinum og ekki er mikið eftir.  Nú bíð ég eftir Dr.Phil þættinum sem kemur á eftir þessum %$#"! sjónvarpsmarkaði.  Hlýtur að ganga illa að selja þessar vörur fyrst þeir eru svona desperado!
Hmm veit ekki hvað ég á að segja meira. Förum í heimatilbúna pizzu hérna í næstu íbúð sem bróðir Halla býr í ásamt sinni unnustu.  Kannski tengdóarnir komi líka? Kæmi ekki á óvart.  Jæja, ég er frekar slöpp núna og ætla að leggjast upp í sófa.  Byrjum á foreldranámskeiði í næstu viku og í síðasta tímanum (þeim 3ðja) verður farið á fæðingardeildina að skoða aðstöðuna...my LOOORD!!!!!  nervous for that thing!!!

ciao ragazzi miei

Er búin að vera frekar leið á köflum.  Það eru bara þessir misjöfnu dagar í sorgarferlinu held ég...nei ég held það ekki, ég VEIT það.  Ég hlakka ekki til jólanna og er búin að vera frekar neikvæð gagnvart þeim þar sem ég veit að þetta verða fyrstu sorgarjólin og MJÖG erfið.  Ég er búin að láta margt fara í taugarnar á mér, svo mikið að það rjúkandi sýður á mér en ég ætla ekki að nefna þá hluti hér.  Auðvitað koma ágætis tímar á milli, ég er ekkert endanlega lögst í þunglyndi og get stundum hugsað um eitthvað jákvætt í staðinn svona til huggunar.  Ég gæti sofið endalaust en það eru nottla meðgönguhormónarnir sem eru þar í gangi.  Ég keyrði Halla í vinnu kl 11 og reyndi að sofna aftur.  Það tókst ekki, ég sagði Halla það og þá sagði hann: Klukkan er líka orðin ellefu.  Ég sagði að ég þyrfti bara á meiri svefni að halda, þannig er þetta tímabil bara.  Ég er líkamlega þung á mér- svo mikið að ég er með mæði bara með því að labba milli herbergja og ganga upp tröppur.  Ég er samt í jóga og dugleg að mæta í það 2svar í viku.  Ef ég fer að grenja útaf furðulegustu hlutum þá huggar Halli mig orðalaust og skilur vel hvað er í gangi.  Þetta er skrítið tímabil sem er blanda af gleði og sorg...hvernig á maður að haga sér innan um fólk í þannig aðstæðum?  Ég er bara þannig að ég get ekkert verið að þykjast með því að setja upp eitthvað sparibros.  Þegar ég er pirruð þá leynir sér það ekki og öfugt.  Ég get vel farið að grenja ef eitthvað sem mig langar í út í búð er ekki til þar!!!

Jæja ég er að fara að sækja Halla í vinnuna og svo veit ég ekki hvað við gerum, vonandi bara að chilla.  Kannski fer ég bara að mála eða eitthvað.  Ciao gente

Var að fá svar frá Francescu.  Hún sagði að ítalskan mín væri enn veramente frábær  rosalega er gott að heyra það að maður er nú ekki búin að missa þetta niður.  Ég var búin að segja henni frá litla ófædda barninu þá sagði hún: " Þetta verður þá ljóshært krútt.  Manstu hvað mig langaði mikið að eiga ljóshært barn og þú sagðir mér að koma bara til Íslands og ættleiða eitt slíkt? "  Já, ég man sko eftir að hafa sagt henni það  Hana langar svo rosalega mikið í eitt ljóshært.  Hún sagði eftir það að það væri ómögulegt fyrir hana að ganga með ljóshært barn.  Hún er kolsvarthærð með svört augu  Ég sagði henni að ég hafi nánast verið hvíthærð sem barn.  Hún spurði hvernig skapið hafi verið í mér á meðgöngunni og hvort mér sé flökurt, en það er lítið um það...nánast ekkert og er ég fer snögglega í vont skap er Halli ekki lengi að ná þeim einkennum úr mér með því að vera fyndinn  grínið svíkur ekki  Ég svara henni alltaf strax um hæl, spennt að fá annað svar til baka.

Ótrúlegt það sem mig dreymdi nýlega.  Það var að ég gat beint lampa að bumbunni og séð barnið þannig í móðurkviði  Það var með opin augun og brást við ljósinu með því að píra augun.  Vitleysan sem getur komið í mann að nóttu til stundum að degi til líka  Svo dreymdi mig í nótt að ljósmóðirin hafi viljað taka ljósmynd af bumbunni í stað þess að finna hjartsláttinn með tækinu  Alveg fyndið.  Jæja okkur er boðið í mat innan skammst,  ciao fanciulli!